کی وفا ہم سے تو غیر اس کو جفا کہتے ہیں
کی وفا ہم سے تو غیر اس کو جفا کہتے ہیں
ہوتی آئی ہے کہ اچھوں کو برا کہتے ہیں
آج ہم اپنی پریشانی خاطر ان سے
کہنے جاتے تو ہیں پر دیکھیے کیا کہتے ہیں
اگلے وقتوں کے ہیں یہ لوگ انہیں کچھ نہ کہو
جو مے و نغمہ کو اندوہ ربا کہتے ہیں
دل میں آ جاے ہے ہوتی ہے جو فرصت غش سے
اور پھر کون سے نالے کو رسا کہتے ہیں
ہے پرے سرحد ادراک سے اپنا مسجود
قبلے کو اہل نظر قبلہ نما کہتے ہیں
پائے افگار پہ جب سے تجھے رحم آیا ہے
خار رہ کو ترے ہم مہر گیا کہتے ہیں
اک شرر دل میں ہے اس سے کوئی گھبرائے گا کیا
آگ مطلوب ہے ہم کو جو ہوا کہتے ہیں
دیکھیے لاتی ہے اس شوخ کی نخوت کیا رنگ
اس کی ہر بات پہ ہم نام خدا کہتے ہیں
وحشتؔ و شیفتہؔ اب مرثیہ کہویں شاید
مر گیا غالبؔ آشفتہ نوا کہتے ہیں
Poet: مرزا غالب
Ki wafa hum sai to ghair
is ko jafa kehtay hain
Hoti aai hai k achon ko
bura kehtay hain
Aaj hum apni parashani_
e_khatir un sai
Kehnay jatay to hain par
dakhiay kya kehtay hain
Aglay waqton k hain yeh
log inhain kuch na kaho
Jo meiy_o_naghma ko
andoh_e_raba kehtay hain
Hai paray sarhad_e_adrak
sai apna masjood
Qiblay ko ahl_e_nazar
Qibla numa kehtay hain
Pa_e_afghar pay jab sai
tujhay reham aya hai
Khar_e_rah ko hum mehar
gaya kehtay hain
Ik sharrar dil main hai, Is
sai koi ghabraiy ga kya
Aag matlob hai hum ko jo
hawa kehtay hain
Dakhiay lati hai is shokh
ki nehwat kya rang
Is ki har baat pay hum
naam_e_Khuda kehtay
hain
Wehashat_O_Shaifta aab
marsiya kahwaien shayad
Mar gaya Ghalib aashufta
nawa, kehtay hain
