Aainon mein aks na hon to hairat rahti hai – Amjad Islam Amjad

آئینوں میں عکس نہ ہوں تو حیرت رہتی ہے

جیسے خالی آنکھوں میں بھی وحشت رہتی ہے

 

ہر دم دنیا کے ہنگامے گھیرے رکھتے تھے

جب سے تیرے دھیان لگے ہیں فرصت رہتی ہے

 

کرنی ہے تو کھل کے کرو انکار وفا کی بات

بات ادھوری رہ جائے تو حسرت رہتی ہے

 

شہر سخن میں ایسا کچھ کر عزت بن جائے

سب کچھ مٹی ہو جاتا ہے عزت رہتی ہے

 

بنتے بنتے ڈھ جاتی ہے دل کی ہر تعمیر

خواہش کے بہروپ میں شاید قسمت رہتی ہے

 

سائے لرزتے رہتے ہیں شہروں کی گلیوں میں

رہتے تھے انسان جہاں اب دہشت رہتی ہے

 

موسم کوئی خوشبو لے کر آتے جاتے ہیں

کیا کیا ہم کو رات گئے تک وحشت رہتی ہے

 

دھیان میں میلہ سا لگتا ہے بیتی یادوں کا

اکثر اس کے غم سے دل کی صحبت رہتی ہے

 

پھولوں کی تختی پر جیسے رنگوں کی تحریر

لوح سخن پر ایسے امجدؔ شہرت رہتی ہے

---

Aainon mein aks na hon to hairat rahti hai

Jaise KHali aankhon mein bhi wahshat rahti hai

 

Har dam duniya ke hangame ghere rakhte the

Jab se tere dhyan lage hain fursat rahti hai

 

Karni hai to khul ke karo inkar-e-wafa ki baat

Baat adhuri rah jae to hasrat rahti hai

 

Shahr-e-suKHan mein aisa kuchh kar izzat ban jae

Sab kuchh miTTi ho jata hai izzat rahti hai

 

Bante bante Dhah jati hai dil ki har tamir

Khwahish ke bahrup mein shayad qismat rahti hai

 

Sae larazte rahte hain shahron ki galiyon mein

Rahte the insan jahan ab dahshat rahti hai

 

Mausam koi KHushbu le kar aate jate hain

Kya kya hum ko raat gae tak wahshat rahti hai

 

Dhyan mein mela sa lagta hai biti yaadon ka

Aksar us ke gham se dil ki sohbat rahti hai

 

Phulon ki takhti par jaise rangon ki tahrir

Lauh-e-sukhan par aise ‘amjad’ shohrat rahti hai

---

आईनों में अक्स न हों तो हैरत रहती है

जैसे ख़ाली आँखों में भी वहशत रहती है

 

हर दम दुनिया के हंगामे घेरे रखते थे

जब से तेरे ध्यान लगे हैं फ़ुर्सत रहती है

 

करनी है तो खुल के करो इंकार-ए-वफ़ा की बात

बात अधूरी रह जाए तो हसरत रहती है

 

शहर-ए-सुख़न में ऐसा कुछ कर इज़्ज़त बन जाए

सब कुछ मिट्टी हो जाता है इज़्ज़त रहती है

 

बनते बनते ढह जाती है दिल की हर तामीर

ख़्वाहिश के बहरूप में शायद क़िस्मत रहती है

 

साए लरज़ते रहते हैं शहरों की गलियों में

रहते थे इंसान जहाँ अब दहशत रहती है

 

मौसम कोई ख़ुशबू ले कर आते जाते हैं

क्या क्या हम को रात गए तक वहशत रहती है

 

ध्यान में मेला सा लगता है बीती यादों का

अक्सर उस के ग़म से दिल की सोहबत रहती है

 

फूलों की तख़्ती पर जैसे रंगों की तहरीर

लौह-ए-सुख़न पर ऐसे ‘अमजद’ शोहरत रहती है

Poet: Amjad Islam Amjad