کسی گماں پہ توقع زیادہ رکھتے ہیں
کسی گماں پہ توقع زیادہ رکھتے ہیں
پھر آج کوئے بتاں کا ارادہ رکھتے ہیں
بہار آئے گی جب آئے گی یہ شرط نہیں
کہ تشنہ کام رہیں گرچہ بادہ رکھتے ہیں
تری نظر کا گلہ کیا جو ہے گلہ دل کا
تو ہم سے ہے کہ تمنا زیادہ رکھتے ہیں
نہیں شراب سے رنگیں تو غرق خوں ہیں کہ ہم
خیال وضع قمیص و لبادہ رکھتے ہیں
غم جہاں ہو غم یار ہو کہ تیر ستم
جو آئے آئے کہ ہم دل کشادہ رکھتے ہیں
جواب واعظ چابک زباں میں فیضؔ ہمیں
یہی بہت ہیں جو دو حرف سادہ رکھتے ہیں
Kisi guman pe tawaqqoa ziyaada rakhte hain
phir aaj ku-e-butan ka irada rakhte hain
bahaar aaegi jab aaegi ye shart nahin
ki tishna-kaam rahen garche baada rakhte hain
teri nazar ka gila kya jo hai gila dil ka
to hum se hai ki tamanna ziyaada rakhte hain
nahin sharab se rangin to gharq-e-KHun hain ki hum
KHayal-e-waz-e-qamis-o-libaada rakhte hain
gham-e-jahan ho gham-e-yar ho ki tir-e-sitam
jo aae aae ki hum dil kushada rakhte hain
jawab-e-waiz-chabuk-zaban mein 'faiz' hamein
yahi bahut hain jo do harf-e-sada rakhte hain
Poet: فیض احمد فیض
