 |
| Aa K Wabasta Hain Us Husn Ki Yadain Tujh se By Faiz Ahmad faiz Best Ghazal |
آ کہ وابستہ ہیں اس حسن کی یادیں تجھ سے
آ کہ وابستہ ہیں اس حسن کی یادیں تجھ سے
جس نے اس دل کو پری خانہ بنا رکھا تھا
جس کی الفت میں بھلا رکھی تھی دنیا ہم نے
دہر کو دہر کا افسانہ بنا رکھا تھا
آشنا ہیں ترے قدموں سے وہ راہیں جن پر
اس کی مدہوش جوانی نے عنایت کی ہے
کارواں گزرے ہیں جن سے اسی رعنائی کے
جس کی ان آنکھوں نے بے سود عبادت کی ہے
تجھ سے کھیلی ہیں وہ محبوب ہوائیں جن میں
اس کے ملبوس کی افسردہ مہک باقی ہے
تجھ پہ برسا ہے اسی بام سے مہتاب کا نور
جس میں بیتی ہوئی راتوں کی کسک باقی ہے
تو نے دیکھی ہے وہ پیشانی وہ رخسار وہ ہونٹ
زندگی جن کے تصور میں لٹا دی ہم نے
تجھ پہ اٹھی ہیں وہ کھوئی ہوئی ساحر آنکھیں
تجھ کو معلوم ہے کیوں عمر گنوا دی ہم نے
ہم پہ مشترکہ ہیں احسان غم الفت کے
اتنے احسان کہ گنواؤں تو گنوا نہ سکوں
ہم نے اس عشق میں کیا کھویا ہے کیا سیکھا ہے
جز ترے اور کو سمجھاؤں تو سمجھا نہ سکوں
عاجزی سیکھی غریبوں کی حمایت سیکھی
یاس و حرمان کے دکھ درد کے معنی سیکھے
زیر دستوں کے مصائب کو سمجھنا سیکھا
سرد آہوں کے رخ زرد کے معنی سیکھے
جب کہیں بیٹھ کے روتے ہیں وہ بیکس جن کے
اشک آنکھوں میں بلکتے ہوئے سو جاتے ہیں
نا توانوں کے نوالوں پہ جھپٹتے ہیں عقاب
بازو تولے ہوئے منڈلاتے ہوئے آتے ہیں
جب کبھی بکتا ہے بازار میں مزدور کا گوشت
شاہراہوں پہ غریبوں کا لہو بہتا ہے
آگ سی سینے میں رہ رہ کے ابلتی ہے نہ پوچھ
اپنے دل پر مجھے قابو ہی نہیں رہتا ہے
Aa K Wabasta Hain Us Husn Ki Yadain Tujh Say…
Jis Nay Is Dil Ko Pari Khana Bana Rakha Hay…
Jis Ki Ulfat Mein Bana Rakhi Thi Duniya Hum Nay…
Dhair K Dhair Ko Afsana Bana Rakha Hay…
Aashna Hain Teray Qadmon Say Wo Rahain Jin Par…
Us Ki Madhosh Jawani Inayat Ki Hay…
Karwaan Guray Hain Us Ranai K…
Jin Ki In Aankhon Nay Besood Ibadat Ki Hay……….
Tujh Se Khaili Wo Mehboob Hawain Jin Mein…
Us K Malboos Ki Afsurda Mehak Baqi Hay…
Tujh Pay Bhi Barsa Hay Us Baam Se Us Mahtab Ka Noor…
Jis Mein Beeti Hoi Raton Ki Kashish Baqi Hay…
Too Nay Dekhi Hay Wo Peshani Wo Rukhsar Wo Hont….
Zindagi Jis K Tasvur Mein Bita Di Hum Nay…
Tujh Pay Uthi Hain Wo Khoi Hoi Sehar Aankhain…
Tujh Ko Maloom Hay Kion Umar Ganwa Di Hum Nay…
Hum Say Mushtarka Hain Ahsan Gham-E-Ulfat K…
Itni Ahsan K Ginvaon To Ginva Na Sakon…
Hum Nay Ishq Mein Kia Khoya Hay Kia Paya Hay
Juzz Teray Auron Samjhaon To Samjha Na Sakon
