Ahmad Faraz Ghazal- Jo Chal Sako To Koi Aisi Chaal Chal Jaana
Poet: احمد فرازؔ
جو چل سکو تو کوئی ایسی چال چل جانا
مجھے گماں بھی نہ ہو اور تم بدل جانا
یہ شعلگی ہو بدن کی تو کیا کیا جائ
سو لازمی تھا ترے پیرہن کا جل جانا
تمہیں کرو کوئی درماں، یہ وقت آ پہنچ
کہ اب تو چارہ گروں کو بھی ہاتھ مل جانا
ابھی ابھی تو جدائی کی شام آئی تھی
ہمیں عجیب لگا زندگی کا ڈھل جانا
سجی سجائی ہوئی موت زندگی تو نہیں
مورّخوں نے مقابر کو بھی محل جانا
یہ کیا کہ تو بھی اسی ساعتِ زوال میں ہے
کہ جس طرح ہے سبھی سورجوں کو ڈھل جانا
ہر ایک عشق کے بعد اور اس کے عشق کے بعد
فراز اتنا بھی آساں نہ تھا سنبھل جانا
Jo Chal Sako To Koi Aisi Chaal Chal Jaana
Mujhe Gumaan Bhi Na Ho Aur Tum Badal Jaana
Yeh Sho’lagi Ho Badan Ki To Kya Kiya Jaaye
So Laazmi Tha Tere Pairahan Ka Jal Jaana
Tumhin Karo Koi Darmaan Yeh Waqt Aa Pahuncha
Ke Ab To Chaara-Garon Ko Bhi Haath Mal Jaana
Abhi Abhi To Judaai Ki Shaam Aaye Thi
Humain Ajeeb Laga Zindagi Ka Dhall Jaana
Saji Sajaaye Hui Maut Zindagi To Nahin
Moa’rrekhon Ne Maqaaber Ko Bhi Mahal Jaana
Yeh Kya Ke Tu Bhi Issi Saayat-E-Zawaal Main Hai
Ke Jiss Tarah Se Sabhi Soorajon Ko Dhall Jaana
Har Ek Ishq Ke Baad Aur Uss Ke Ishq Ke Baad
‘Faraz’ Itna Bhi Aasaan Na Tha Sambhal Jaana
------------------------
