 |
| Agarche Zor Hawaon Ne Dal Rakkha Hai ahmed faraz |
اگرچہ زور ہواؤں نے ڈال رکھا ہے
Poet: احمد فرازؔ
غزل
اگرچہ زور ہواؤں نے ڈال رکھا ہے
مگر چراغ نے لو کو سنبھال رکھا ہے
محبتوں میں تو ملنا ہے یا اجڑ جانا
مزاجِ عشق میں کب اعتدال رکھا ہے
ہوا میں نشہ ہی نشہ، فضا میں رنگ ہی رنگ
یہ کس نے پیرہن اپنا اچھال رکھا ہے
بھلے دنوں کا بھروسا ہی کیا رہیں نہ رہیں
سو میں نے رشتہِ غم کو بحال رکھا ہے
ہم ایسے سادہ دلوں کو وہ دوست ہو کہ عدو
سبھی نے وعدۂِ فردا پہ ٹال رکھا ہے
بھری بہار میں اک شاخ پر کھلا ہے گلاب
کہ جیسے تو نے ہتھیلی پہ گال رکھا ہے
فراز عشق کی دنیا تو خوبصورت تھی
یہ کس نے فتنہ ہجر و وصال رکھا ہے
agarche zor havaon ne daal rakkha hai
magar charagh ne lau ko sambhal rakkha hai
mohabbaton men to milna hai ya ujad jaana
mizaj-e-ishq men kab e’tidal rakkha hai
hava men nashsha hi nashsha faza men rang hi rang
ye kis ne pairahan apna uchhal rakkha hai
bhale dinon ka bharosa hi kya rahen na rahen
so main ne rishta-e-gham ko bahal rakkha hai
ham aise sada-dilon ko vo dost ho ki khuda
sabhi ne vada-e-farda pe taal rakkha hai
hisab-e-lutf-e-harifan kiya hai jab to khula
ki doston ne ziyada khayal rakkha hai
bhari bahar men ik shakh par khila hai gulab
ki jaise tu ne hatheli pe gaal rakkha hai
‘faraz’ ishq ki duniya to khub-surat thi
ye kis ne fitna-e-hijr-o-visal rakkha hai
