یہ موسم گل گرچہ طرب خیز بہت ہے
احوال گل و لالہ غم انگیز بہت ہے
خوش دعوت یاراں بھی ہے یلغار عدو بھی
کیا کیجیے دل کا جو کم آمیز بہت ہے
یوں پیر مغاں شیخ حرم سے ہوئے یک جاں
مے خانے میں کم ظرفئ پرہیز بہت ہے
اک گردن مخلوق جو ہر حال میں خم ہے
اک بازوئے قاتل ہے کہ خوں ریز بہت ہے
کیوں مشعل دل فیضؔ چھپاؤ تہ داماں
بجھ جائے گی یوں بھی کہ ہوا تیز بہت ہے
ye mausam-e-gul garche tarab-KHez bahut hai
ahwal-e-gul-o-lala gham-angez bahut hai
KHush dawat-e-yaran bhi hai yalghaar-e-adu bhi
kya kijiye dil ka jo kam-amez bahut hai
yun pir-e-mughan sheKH-e-haram se hue yak-jaan
mai-KHane mein kam-zarfi-e-parhez bahut hai
ek gardan-e-maKHluq jo har haal mein KHam hai
ek bazu-e-qatil hai ki KHun-rez bahut hai
kyun mishal-e-dil 'faiz' chhupao tah-e-daman
bujh jaegi yun bhi ki hawa tez bahut hai
